Wiskunde Woordeboek

Twee dimensioneel. 'n Plat vlak en meting vind in twee rigtings plaas. (bv. oppervlakte of area). Ons noem hierdie 2D voorwerpe of liggame.

Drie dimensioneel. Meting vind in drie rigtings plaas (bv. volume). Ons noem hierdie 3D voorwerpe of liggame.

Een van die twee identiese vlakke in 'n prisma of die vlak wat teenoor die toppunt in 'n piramide of keël is.

Enige sy van 'n veelhoek kan die basis(b) wees, solank as wat die hoogte(h) loodreg is op die basis.

Ons gebruik ongelykhede om die beperkings mee aan te dui.
(bv. 'n maksimum van 12 uur is beskikbaar om 'n produk te vervaardig of ten minste 5 eenhede moet per dag verkoop word)

'n Boog is deel van die omtrek van 'n sirkel.

'n Diagram, wat uit takke bestaan, wat al die moontlike uitkomstes van 'n gebeurtenis toon.

Die grootste waarde in 'n klasinterval. (bv. die boonste klasgrens van 11 - 20 is 20)

Dit is die punt waar die konkawiteit van 'n funksie verander.

Ook bekend as totale buite-oppervlakte (TBO). Die totale oppervlakte van al die buite vlakke van 'n 3D liggaam.

'n Vlak wat deur 'n horisontale as (die x-as) en 'n vertikale as (die y-as) gevorm word. Die twee asse sny by 0 en dit word gebruik om die posisie van enige punt in die vlak te bepaal met behulp van twee koördinate.

Die kosinus van 'n hoek in 'n reghoekige driehoek is gelyk aan die lengte van die aangrensende sy gedeel deur die lengte van die skuinssy.

Die cosec van 'n hoek in 'n reghoekige driehoek is gelyk aan die lengte van die skuinssy gedeel deur die lengte van die teenoorstaande sy.

Die cot van 'n hoek in 'n reghoekige driehoek is gelyk aan die lengte van die aangrensende sy gedeel deur die lengte van die teenoorstaande sy.

Afnemend of om kleiner te word.

Dit is as die grafiek van 'n funksie afnemend is.

Inligting wat in 'n statistiese opname ingesamel word en kan kategories (bv. gunsteling kleur, tipe motors) of numeries (bv. lengte, ouderdom, punte) wees.

Die waardes van x waarvoor 'n funksie gedefinieerd is of die versameling van al die moontlike x-waardes van 'n funksie.

Die hoogste mag van die veranderlike is 3.
bv. y = x³ + 2x² - x - 4

Die grafiek van 'n derdegraadse funksie.

'n Volkome derdemag kan as die produk van drie identiese faktore geskryf word.

As jy die derdemagswortel van 'n getal drie keer met homself maal, kry jy die getal binne die wortelteken.

Die afstand van 'n punt op die omtrek van 'n sirkel deur die middelpunt na 'n ander punt op die omtrek van 'n sirkel. Word ook 'n middellyn genoem. (deursnee = 2 x radius)

Dit word van die horisontaal afwaarts gemeet.

Differensiaalrekening is die bestudering van die tempo van verandering, net soos meetkunde die bestudering van vorms is en algebra die bestudering van bewerkings en hul toepassings om vergelykings mee op te los is.

'n Grafiek wat uit punte bestaan.

'n Poliëder (veelvlak) met 12 vlakke, 20 hoekpunte en 30 kante. Die vlakke is kongruente reëlmatige pentagone (vyfhoeke).

Dit is die punt waar 'n grafiek van toenemend na afnemend of van afnemend na toenemend verander.

'n Algebraïse se uitdrukking met drie terme.

Elke element in die definisieversameling is verbind aan 'n verskillende element in die waardeversameling.
Op die grafiek: As jy 'n vertikale of 'n horisontale lyn oor die grafiek beweeg, dan sal beide die grafiek net een keer sny.

'n Algebraïese uitdrukking met net een term.

'n Rentekoers wat jaarliks saamgestel word.
(bv. 12% p.j. jaarliks saamgestel)

'n Breuk waarvan die teller (bo) kleiner is as die noemer (onder).

'n Aktiwiteit met uitkomste.
bv. om 'n dobbelsteen te rol

Saam met die grondtal gee dit die mag. Ook bekend as die indeks.

Dit is wanneer jy van buite die gegewe omvang van x-waardes voorspel of skat. Hierdie voorspellings is gewoonlik swak en onbetroubaar.

Rente wat slegs op die oorspronklike bedrag bereken word. Word ook enkelvoudige groei genoem.
Formule: A = P(1 + in)

Ewekansige gebeurtenisse is onvoorspelbaar.
bv. jy kan nie voorspel watter getal jy gaan kry as jy 'n dobbelsteen rol nie

Wanneer elkeen 'n gelyke kans het om vir die opname gekies te word.

As 'n lyn ewewydig aan een sy van 'n driehoek die ander twee sye van die driehoek sny, dan verdeel die lyn hierdie twee sye in dieselfde verhouding.

Of parallelle lyne. Dit is lyne wat altyd ewe ver van mekaar af is. Hulle sal nooit ontmoet of mekaar sny nie.

Alle natuurlike getalle wat presies in 'n getal kan deel. Bv. Faktore van 24: 1 ; 2 ; 3 ; 4 ; 6 ; 8 ; 12 ; 24

Om 'n algebraïese uitdrukking as die produk van sy faktore te skryf.

As f(a) = 0 dan is x – a 'n faktor van f(x)
of
As f(b/a) = 0 dan is ax – b 'n faktor van f(x)

bv. x + 4 is 'n faktor van f(x) = x2 - 2x - 8, want f(-4) = (-4)2 - 2(-4) - 8 = 0

Die produk van al die heelgetalle van 1 tot by die heelgetal in die vraag.
bv. 5! = 5 x 4 x 3 x 2 x 1

Die volgende getal word gegee deur die som van die vorige twee getalle.

'n Reël wat simbole gebruik om 'n wiskundige of wetenskaplike stelling te verteenwoordig.

Die aantal keer wat 'n item of datawaarde voorkom.

'n Tabel wat wys hoeveel keer 'n datawaarde voorkom.

Word ook soms 'n frekwensie-poligoon genoem.
'n Grafiek wat gegroepeerde data vertoon. 'n Frekwensieveelhoek bestaan uit lyne wat die horisontale as met die datapunte met koördinate (klasmiddelpunt ; frekwensie van die klas), verbind.

As daar M maniere is vir een gebeurtenis om plaas te vind en N maniere vir nog 'n gebeurtenis om plaas te vind, dan is daar  M x N maniere vir beide om plaas te vind. (NB. dit is ook waar vir meer as twee gebeurtenisse)
bv. As jy 'n dobbelsteen rol (6 uitkomstes) en 'n muntstuk opskiet (2 uitkomstes), dan is daar altesaam 12 (6 x 2) moontlike uitkomstes.

'n Reël waar elke element in die definisieversameling (x-waardes) verbind is aan slegs een element in die waardeversameling (y-waardes).

'n Gebied wat al die punte bevat wat 'n stel beperkings bevredig.

Jy kan 'n gebeurtenis so definieer dat dit spesifieke uitkomstes het.
bv. laat gebeurtenis A 'n ewe getal wees as jy 'n dobbelsteen rol
L.W. Ons sê 1 gebeurtenis en 2 gebeurtenisse of 2 gebeure

'n Grafiek waar die afgemerkte punte met reguit lynstukke verbind is.

Data wat in klasintervalle saam gegroepeer is. Gegroepeerde data word gewoonlik op 'n histogram vertoon.

'n Driehoek met twee gelyke hoeke en twee gelyke sye.

Terme met identiese veranderlikes. Ons kan gelyksoortige terme optel en aftrek. (bv. 5x²y + 3x²y - x²y = 7x²y)

'n Driehoek met drie gelyke hoeke en drie gelyke sye. Elke hoek is 60°.

Dit is as ons twee vergelykings gebruik om twee onbekendes op te los.

Voorwerpe met dieselfde vorm, maar verskillende groottes.

'n Getal wat uit 'n heelgetal en 'n breuk bestaan.

Of ook rekenkundige gemiddelde. Een van die maatstawe van sentrale neiging. Dit word bereken deur die som van al die datawaardes deur die aantal datawaardes te deel.

Dit is die punt op 'n spreidingsdiagram waar die x-koördinaat die gemiddelde van die x-waardes is en die y-koördinaat die gemiddelde van die y-waardes is. Die gemiddelde punt lê altyd op die regressielyn.

Die x- en y-koördinate van enige punt op die Cartesiese vlak. Dit word tussen hakkies geskryf, met die x-koördinaat eerste.

Die gemiddelde van gegroepeerde data.

'n Hoek van 180^o.

Dit wys vir ons hoe steil 'n lyn is.

'n Getal of veranderlike wat saam met die eksponent die mag gee.

Dit beteken om iets in die helfte te sny.

Negatiewe heelgetalle, nul en positiewe heelgetalle.

'n Poliëder (veelvlak) met 6 vlakke, 8 hoekpunte en 12 kante. Die vlakke is kongruente vierkante.

'n Veelhoek met 6 sye.

'n Veelhoek met 7 sye. 

Dis die grafiek van 'n funksie waar x in die noemer is.

'n Afleiding wat gebaseer is op onvolledige inligting.
(bv. 1 + 4 = 5 en 9 + 16 = 25 is onvolledige bewyse dat die som van twee volkome vierkante nie 'n volkome vierkant is nie)

'n Grafiek wat gegroepeerde data vertoon. Die hoogte van die stawe toon die frekwensie en daar is geen gapings tussen die stawe nie.

'n Lyn wat twee hoekpunte van 'n veelhoek wat nie langs mekaar is nie, met mekaar verbind.

Waar 2 lyne ontmoet om 'n hoek te vorm.

Dit is die koeffisiënt van die term met die hoogste graad in 'n veelterm.

Dit word van die horisontaal opwaarts gemeet.

Loodregte hoogte van 'n vorm. 'n Driehoek het drie hoogtelyne.

Dit is van links na regs ... soos die horison. 'n Horisontale lyn is loodreg op die y-as en ewewydig aan die x-as.

'n Grafiek of diagram wat gebruik word om die vyfgetal-opsomming mee voor te stel.

Wanneer gereelde vaste betalings gemaak word en jy kry die geld onmiddellik. Die huidigewaarde is al die paaiemente minus die rente.

'n Metode om iets te koop en dit dan deur middel van maandelikse paaiemente oor 'n tydperk af te betaal.

'n Poliëder (veelvlak) met 20 vlakke, 12 hoekpunte en 30 kante. Die vlakke is kongruente gelyksydige driehoeke.

sien eksponent

Dit wys vir ons die toename (as 'n persentasie) in die koste van goedere en dienste van een jaar tot die volgende.

Dit is 'n hoek wat van die x-as in 'n anti-kloksgewyse rigting gemeet word.

Ook 'n reflekse hoek genoem. 'n Hoek tussen 180^o en 360^o.

Die verskil tussen die boonste en die onderste kwartiele. IQR = Q₃ - Q₁

Dit is wanneer jy van binne die gegewe omvang van x-waardes voorspel of skat. Hierdie voorspellings is gewoonlik goed en betroubaar.

'n Manier om reële getalle aan te toon. 'n Ronde hakkie beteken 'uitgesluit' en 'n vierkantige hakkie beteken 'ingesluit'. Oneindigheid is altyd uitgesluit.

Dit is 'n refleksie in die lyn y = x. Om die vergelyking van die inverse te kry, ruil ons die x- en y-waardes om.

'n Getal met nie-herhalende, nie-eindige desimale syfers. Dit kan nie as 'n breuk geskryf word nie.

Die volume spasie binne 'n houer wat in milliliters(ml), liters(l) of kiloliters(kl) gemeet word. Dit word meestal vir vloeistowwe gebruik.

Data wat nie getalle is nie. (bv. kleure, tipe motors, ens.)

'n Vaste liggaam met 'n sirkelvormige basis wat saamloop na 'n punt bo, die toppunt.

Kleinste gemene veelvoud. Die kleinste getal waarin al die gegewe getalle kan deel.

Dit toon die interval of groep waarin die datawaardes verdeel is, aan. (bv. 1 - 10, 11 - 20, 21 - 30, ens.)

Die begin en die einde van 'n klasinterval. (bv. 11 en 20 is die klasgrense van die klasinterval 11 - 20)

Die middel van 'n klasinterval in gegroepeerde data.

sien regressielyn

As lyne ewewydig is, is die som van die ko-binne hoeke 180^o. Kyk vir 'n C of 'n U.

Die getal wat voor die veranderlikes in 'n algebraïese term staan.

'n Koers vergelyk twee hoeveelhede met verskillende eenhede. Bv. 'n Spoed van 60 km/h is 'n koers wat afstand en tyd vergelyk

Punte is kollineêr as hulle op dieselfde reguit lyn lê.

Noord, suid oos en wes.

Sluit alle reële en alle nie-reële (denkbeeldige) getalle is. Ons het hierdie getalle nodig om 'n vergelyking soos x² = -9 op te los.  

Al die moontlike uitkomstes is of in die een gebeurtenis (A) of in die ander gebeurtenis (B).
Reël:
P(nie A) = 1 - P(A)
of
As A en B komplementêre gebeurtenisse is, dan P(B) = 1 - P(A) of P(A) = 1 - P(B).

Die som van komplementêre hoeke is 90^o.

Figure wat dieselfde grootte en vorm het. Hulle is identies.

'n Funksie is konkaaf na bo as die 2^de afgeleide positief is en konkaaf na onder as die 2^de afgeleide negatief is.

Punte wat almal op die omtrek van dieselfde sirkel lê.

'n Waarde wat nie verander nie.

Wanneer die verskil tussen die eerste verskille in 'n getalpatroon dieselfde is.

Jy kry dit as die verskil tussen opeenvolgende terme in 'n getalpatroon dieselfde is.

'n Grafiek wat jy kan teken sonder om jou hand op te lig. Dit word ook 'n aaneenlopende grafiek genoem.

'n Oneindige reeks met 'n berekenbare som.

'n Lynstuk waarvan die eindpunte beide op die omtrek van 'n sirkel lê. Die langste koord in 'n sirkel is die middellyn of deursnee.

'n Vierhoek waarvan al die hoekpunte op die omtrek van dieselfde sirkel lê.

n Getal (r) waar -1 ≤ r ≤ 1, wat die sterkte en rigting van die korrelasie (verwantskap) tussen twee veranderlikes meet. bv. r naby aan 1 beteken daar is sterk positiewe korrelasie tussen die veranderlikes r naby aan -1 beteken daar is sterk negatiewe korrelasie tussen die veranderlikes r naby aan 0 beteken daar is swak of geen korrelasie tussen die veranderlikes

'n Vaste liggaam met ses identitiese vierkantige vlakke.

Die totaal van al die frekwensies in 'n stel data, tot by 'n sekere punt.

Die Kartesiese vlak het 4 kwadrante. Hulle is die 1^ste, 2^de, 3^de en 4^de kwadrante.

Die hoogste mag van die veranderlike is 2. (bv. y = x² + x - 6)

'n Getalpatroon met konstante tweede verskille. Die algemene term is van die vorm: T_n = an² + bn + c

Die kwartiele verdeel 'n stel data in 4 gelyke dele. Hulle is die onderste kwartiel (Q₁), die mediaan (M of Q₂) en die boonste kwartiel (Q₃).

Die antwoord as ons deel.

Die waarde wat 'n funksie benader as x 'n sekere waarde benader.

Die hoogste mag van die veranderlike is 1. (bv. y = 3x + 1)

Die algemene term van 'n lineêre getalpatroon is van die vorm T_n = an + c. 'n lineêre getalpatroon het konstante verskille tussen opeenvolgende terme.

'n Wiskundige metode wat lineêre ongelykhede gebruik om probleme wat te doen het met maksimum en minimum hoeveelhede, op te los.
(bv. maksimum wins en minimum koste)

Lyne wat mekaar met 'n hoek van 90^o sny.

'n Lyn het geen beginpunt of eindpunt nie.
bv. lyn AB:

Dit is 'n reguitlyn (lineêre funksie) wat die data op 'n spreidingsdiagram die beste voorstel. Die lyn moet deur soveel punte as moontlik gaan met rofweg dieselfde aantal punte bo en onder dit.
Sien ook regressielyn.

'n Lynstuk het 'n spesifieke beginpunt en 'n spesifieke eindpunt.
bv. lynstuk AB:

Die rekenkundige gemiddelde, mediaan en die modus. Hierdie is gemiddeldes wat gebruik word om 'n stel data mee op te som.

Hierdie waardes vertel vir ons hoe uitgesprei die data is. (bv. die omvang, die interkwartiel-omvang en standaard afwyking)

'n Mag is 'n getal wat verhef is tot 'n eksponent.

Die grootste waarde.

Dit is 'n maatstaaf van sentrale neiging. Die mediaan is die middelwaarde as die data van kleinste na grootste gerangskik is. As daar twee middelwaardes is, is die mediaan die gemiddelde van hierdie twee waardes.

Dit is die lyn wat 'n hoekpunt van 'n driehoek met die middelpunt van die teenoorstaande sy verbind.

Baie elemente in die definisieversameling is verbind aan dieselfde element in die waardeversameling.
Op 'n grafiek: As jy 'n vertikale lyn oor die grafiek beweeg, sny die lyn die grafiek net een keer, maar as jy 'n horisontale lyn oor die grafiek beweeg, sny die lyn die grafiek meer as een keer.

Reekse met 'n konstante verhouding tussen terme i.e. jy moet met dieselfde getal maal of deel om die volgende term te kry.
(bv. 100 ; 50 ; 25 ; 12,5 ; . . .)

Jy kry dit deur die terme van 'n meetkundige reeks bymekaar te tel.
(bv. 100 + 50 + 25 + 12,5 + . . .)

'n Middelloodlyn is a) loodreg op 'n ander lyn en b) sny die ander lyn in die helfte.

Die lyn wat die middelpunte van twee sye van 'n driehoek verbind is ewewydig aan die derde sy en is gelyk die helfte van die derde sy.

Die kleinste waarde.

Die klasinterval met die hoogste frekwensie in gegroepeerde data.

'n Maatstaaf van sentrale neiging. Dit is die datawaarde wat die meeste voorkom.

Die natuurlike getalle is 1, 2, 3, 4, 5, . . . 

Een veranderlike op die spreidingsdiagram neem toe soos die ander veranderlike afneem.
Die regressielyn het 'n negatiewe gradiënt, i.e. die lyn is dalend.

Dit is die gelyke wortel van 'n negatiewe getal en word ook 'n imaginêre getal genoem.

Die onderste deel van 'n breuk.

'n Rentekoers wat maandeliks, kwartaalliks, half-jaarliks, ens. saamgestel word. Met ander woorde, enige tydperk behalwe jaarliks.
(bv. 12% p.j. maandeliks saamgestel)

Jy mag nooit in wiskunde deur nul deel nie, want dit gee 'n ongedefinieerde antwoord.

'n Grafiek in statistiek wat gebruik word om kumulatiewe frekwensie te vertoon.

'n Poliëder (veelvlak) met 8 vlakke, 6 hoekpunte en 12 kante. Die vlakke is kongruente gelyksydige driehoeke.

'n Veelhoek met 8 sye.

Die totale afstand rondom 'n 2D voorwerp.

Word ook variasiewydte genoem. Dit is 'n maatstaaf van verspreiding en toon die verskil tussen die grootste en die kleinste datawaardes van 'n stel data aan.

Ook 'n revolusie genoem. 'n Volle draai van 360^o.

Twee gebeurtenisse is onafhanklik as die waarskynlikhied dat een gebeur geen invloed het op die waarskynlikhied dat die ander sal gebeur nie.
bv. om kop te kry as jy 'n muntstuk opgooi en om 6 te kry as jy 'n dobbelsteen rol
Omdat hierdie onafhanklike gebeurtenisse is, kan ons die produkreël gebruik: P(H en 6) = P(H) x P(6)

Gebeurtenisse wat geen gemene uitkomstes het nie. 
bv. ewe en onewe getalle is onderlinguitsluitend, want getalle kan nie ewe en onewe op dieselfde tyd wees nie
As A en B onderlinguitsluitend is, dan P(A en B) = 0.

Die kleinste waarde in die klasinterval. (bv. die onderste klasgrens van 11 - 20 is 11)

'n Breuk waarvan die teller (bo) groter is as die noemer (onder).

'n Hoeveelheid sonder 'n limiet. Groter as die grootste getal waaraan jy kan.

'n Getal is ongedefinieerd as die noemer nul is. Jy mag nooit deur nul deel nie.

Ook bekend as rou data. 'n Lys van datawaardes.

'n Stelling waar een hoeveelheid groter is as die ander. (bv. x > 5 of x + 1 < 2)
NB: Wanneer 'n ongelykheid opgelos word, verander die rigting van die ongelykheidsteken as ons met 'n negatiewe getal maal of deel.

Groter as (bv. 5 > 2).
Kleiner as (bv. 1 < 6).
Die oopkant wys altyd na die groter waarde.

Terme met verskillende veranderlikes. Jy mag nie ongelyksoortige terme optel of aftrek nie. (bv. 3x en 5y is ongelyksoortige terme)

'n Driehoek met geen gelyke hoeke of geen gelyke sye nie.

'n Gebeurtenis wat nooit sal gebeur nie, m.a.w. die waarskynlikheid dat dit sal gebeur is gelyk aan 0.
bv. As gebeurtenis A is om 7 te kry as jy 'n dobbelsteen rol, dan P(A) = 0

As lyne ewewydig is, dan is die ooreenkomstige hoeke gelyk. Kyk vir 'n F.

Dit is waar die x-en y-asse sny. Die koördinate van die oorsprong is (0 ; 0).

Getalle wat mekaar opvolg. (bv. 34 en 35 is opeenvolgende getalle en 44 en 46 is opeenvolgende ewe getalle)

Terme wat mekaar in 'n getalpatroon opvolg. T₁, T₂, en T₃ is opeenvolgende terme.

Word ook area genoem. Die grootte van 'n plat vlak. Dit word in vierkante eenhede gemeet.

As 'n getal by sy optellings inverse getel word, dan is die antwoord nul.

P(A of B) = P(A) + P(B - P(A en B)
Ons kan die reël vir enige tipe gebeurtenisse gebruik, maar as die gebeurtenisse onderlinguitsluitend is, hoef ons nie die " - P(A en B)" deel by te voeg nie. Dit is omdat P(A en B) = 0 vir onderlinguitsluitende gebeurtenisse.

Dit is die grafiek van 'n kwadratiese funksie.

'n Vierhoek waarvan beide pare teenoorstaande sye ewewydig is.

'n Lyn wat deur die datapunte op 'n spreidingsdiagram gaan. Dit volg die algemene neiging van die data.
Ook bekend as "die lyn van beste passing".

'n Veelhoek met 5 sye.

Persentiele verdeel 'n stel data in 100 gelyke dele. (bv. P40 is die 40ste persentiel. Dit beteken dat omtrent 40% van die data lê onder P40 en omtrent 60% lê bo P40)

Die verhouding van die omtrek van 'n sirkel tot sy deursnee. π = 3,141592654...

'n 3D liggaam met 'n veelhoek as basis. Al die ander vlakke is driehoeke wat mekaar in die toppunt ontmoet.

Dit is poliëders (veelvlakke) met:
- vlakke wat kongruente reëlmatige veelhoeke is
- kante wat almal dieselfde lengte het
- dieselfde aantal kante wat by elke hoekpunt ontmoet
Die Platoniese vorms is die tetraëder, die heksaëder (kubus), die oktaëder, die dodekaëder en die ikosaëder.

'n 3D voorwerp met plat vlakke waar elke vlak 'n polygoon (veelhoek) is.
NB: Siliders, keëls en sfere is nie poliëders nie.

Wanneer almal bestudeer word.

Beide veranderlikes op die spreidingsdiagram neem op dieselfde tyd toe.
Die regressielyn het 'n positiewe gradiënt, i.e. die lyn is stygend.

Faktore wat priemgetalle is.
bv. priemfaktore van 24 = 2 x 2 x 2 x 3 = 2³.3

'n Getal wat net deur 1 en homself gedeel kan word. Die eerste paar priemgetalle is: 2, 3, 5, 7, 11, 13, 17, 19, 23, 29, 31, ....

'n Vaste liggaaam waarvan die basis, die bokant en alle dwarssnitte identiese (kongruente) veelhoeke is.

Die antwoord as ons maal.

P(A en B) = P(A) × P(B)
Ons gebruik dit met onafhanklike gebeurtenisse.

Dit verwys na elke keer as jy 'n eksperiment in Waarskynlikheid doen.
bv. as jy 'n dobbelsteen 20 keer rol gee dit 20 proewe

Die stelling van Pythagoras sê dat die kwadraat van die skuinssy van 'n reghoekige driehoek is gelyk aan die som van die kwadrate van die ander twee sye.

'n Reguit lyn wat die sirkel in net een punt raak. 'n Raaklyn is loodreg op die radius (of middellyn) van 'n sirkel.

Ook bekend as die straal van die sirkel. Die afstand van die middelpunt van 'n sirkel na sy omtrek. (deursnee = 2 x radius)

Soms ook kant genoem. Waar twee vlakke van 'n vaste liggaam ontmoet.

'n Getal wat as 'n breuk (heelgetal oor heelgetal) geskryf kan word.

Dit word gebruik om hoeke te reduseer (verander) na skerphoeke.
(bv. sin 240^o = sin (180^o + 60^o) = -sin 60^o)

Al die rasionale en irrasionale getalle.

Al die sye en hoeke is gelyk.
(bv. 'n gelyksydige driehoek het drie gelyke sye en al drie die hoeke is 60^o)

'n Spieëlbeeld. Vorm en grootte bly dieselfde.

Die teken van y verander.

Die teken van x verander.

'n Vierhoek met gelyke teenoorstaande sye en 4 regte hoeke. ('n Parallelogram met 4 regte hoeke.)

'n Driehoek met een 90° hoek.

Regoorstaande hoeke is altyd gelyk.

Ook bekend as die lyn van beste passing of die kleinstekwadrate regressielyn.
'n Lyn wat deur die punte op 'n spreidingsdiagram getrek word om die verwantskap tussen die twee veranderlikes wat bestudeer word, op te som.
Hierdie lyn kan ook gebruik word om voorspellings en skattings te maak.

'n 90^o hoek.

Reekse met 'n konstante eerste verskil i.e. jy moet dieselfde getal bytel of aftrek om die volgende term te kry.
(bv.  5 ; 1 ; -3 ; -7 ; . . . )

Jy kry dit deur die terme van 'n rekenkundige reeks bymekaar te tel.
(bv. 1 + 6 + 11 + 16 + . . .)

'n Desimale getal met desimale syfers wat vir ewig herhaal. Hierdie is rasionale getalle.

Dit is die verskil tussen die werklike (waargenome) y-waarde vir 'n spesifieke x-waarde en die voorspelde (gebruik die regressielyn) y-waarde vir dieselfde x-waarde.

Word ook die omgekeerde genoem. Ons "draai 'n breuk om", om dit te kry. As ons 'n getal met sy resiprook maal, is die antwoord gelyk aan 1.

Die omgekeerde van sin A is cosec A, die omgekeerde van cos A is sec A en die omgekeerde van tan A is cot A.

As  f(x) deur x - a gedeel word, dan is die res f(a)
                of
As  f(x) deur ax- b gedeel word, dan is die res f(b/a)

bv.  Die res as f(x) = x² - 2x - 8 deur x + 1 gedeel word is -5, want f(-1) = (-1)² - 2(-1) - 8 = -5

Wanneer 'n voorwerp om 'n vaste punt geroteer word. Vorm en grootte bly dieselfde.

Of onverwerkte data. 'n Lys van aparte datawaardes.

'n Vierhoek met ewewydige teenoorstaande sye en 4 gelyke sye. ('n Parallelogram met 4 gelyke sye)

'n Kombinasie van twee funksies waar jy die 1^ste funksie gebruik om 'n antwoord te kry. Hierdie antwoord word dan in die 2^de funksie vervang. bv. f(g(x))

Getalle met meer as 2 faktore.
(bv. 6 = 1 × 6 en 6 = 2 × 3 . Dit sê vir ons dat 6 'n saamgestelde getal met faktore 1, 2, 3 en 6 is.)

Dit is wanneer jy rente op rente verdien. Dit word ook saamgestelde vermeerdering of groei genoem.
Formule: A = P(1 + i)ⁿ

Die sec van 'n hoek in 'n reghoekige driehoek is gelyk aan die lengte van die skuinssy gedeel deur die lengte van die aangrensende sy.

'n Gebeurtenis wat beslis gaan gebeur, m.a.w. the waarskynlikheid dat dit sal gebeur is gelyk aan 1.
bv. As gebeurtenis A is om 1, 2, 3, 4, 5, of 6 te kry as jy 'n dobbelsteen rol, dan P(A) = 1

Helfte van die interkwartiel-omvang.

Helfte van 'n sfeer.

'n Perfekte ronde 3D liggaam. 

Die som van. 

'n Vaste liggaam met twee identiese sirkelvormige vlakke wat loodreg op die geboë vlak is.

Waar een helfte van 'n voorwerp die spieëlbeeld van die ander helfte is. (sien ook simmetrie-as)

Die lyn wat 'n vorm (of 'n grafiek) so verdeel dat die een helfte 'n spieëlbeeld van die ander helfte is.

Die sinus van 'n hoek in 'n reghoekige driehoek is gelyk aan die lengte van die teenoorstaande sy gedeel deur die lengte van die skuinssy.

'n Sirkelgrafiek word gebruik om verskillende kategorieë te vergelyk. Ook bekend as 'n sirkeldiagram.

'n Hoek tussen 0^o en 90^o.

'n Driehoek met drie skerphoeke.

Twee lyne sny mekaar in net een punt.

Die antwoord as ons optel.

'n Diagram wat gebruik word om die moontlikheid van 'n verwantskap tussen twee veranderlikes te ondersoek.
bv. die lengte en gewig van leerders (tweeveranderlike data)

Horisontale of vertikale stawe, met spasies tussenin, word gebruik om data te vertoon.

Maatstaaf van verspeiding rondom die rekenkundige gemiddelde. Anders as die omvang, betrek die standaardafwyking al die waardes in 'n stel data.

Enige transformasie wat nie die vorm en grootte van 'n voorwerp verander nie.
(bv. Translasies, refleksies en rotasies is almal starre transformasies. 'n Vergroting is nie star nie, want die grootte van die voorwerp verander.)

Wanneer net sekere persone in die populasie bestudeer word.

Die aantal moontlike uitkomstes in 'n eksperiment.
bv. n(S) = 6 as ons 'n dobbelsteen rol, want daar is 6 uitkomstes: 1, 2, 3, 4, 5 of 6

'n Wiskundige stelling wat as waar bewys is. Om dit te doen kan jy ander vorige bewysde stellings of aksiomas gebruik.

Dit word gebruik om numeriese data in statistiek te orden. Die blaar is die laaste syfer van die getal terwyl die stingel die ander syfers is.

'n Hoek tussen 90^o en 180^o.

'n Driehoek met een stomphoek.

'n Straal het 'n spesifieke beginpunt, maar geen eindpunt nie.
bv. straal AB:

Toenemend of om groter te word.

Dit is as die grafiek van 'n funksie toenemend is.

Van kleinste na grootste.

Die som van twee supplementêre hoeke is 180^o.

As elkeen nie 'n gelyke kans het om vir die opname gekies te word nie.

Die tan van 'n hoek in 'n reghoekige driehoek is gelyk aan die lengte van die teenoorstaande sy gedeel deur die lengte van die aangrensende sy.

Die natuurlike getalle en nul: 0, 1, 2, 3, 4, . . .

Die boonste deel van 'n breuk.

Deel van 'n algebraïse uitdrukking. Terme word deur + en - geskei.
bv. Daar is 3 terme in 2a - 4b + 6 maar daar is net 1 term in 3(x-2) en in (x-1)(x+3)²

'n Poliëder (veelvlak) met 4 vlakke, 4 hoekpunt en 6 kante. Die vlakke is kongruente gelyksydige driehoeke.

Wanneer vaste gereelde betalings gemaak word en jy kry die geld in die toekoms. Die toekomstigewaarde is "al die betalings plus die rente".

Dit is die boonste punt van 'n keël of 'n piramide.

Dit is om 'n voorwerp na 'n ander posisie te skuif deur middel van 'n translasie, 'n refleksie, 'n rotasie of 'n vergroting.

Skuif 'n voorwerp op, af, links en/of regs sonder om dit te roteer of te reflekteer. Vorm en grootte bly dieselfde.

A vierhoek met een paar ewewydige sye.

Die meting van driehoeke.

'n Algebraïese uitdrukking met twee terme.

Dit behels twee veranderlikes en word grafies met behulp van 'n spreidingsdiagram voorgestel.
(bv. lengte en gewig van leerders) 

'n Moontlike resultaat as jy 'n eksperiment in Waarskynlikheid doen.
bv. om 6 te kry as jy 'n dobbelsteentjie rol

Word ook 'n ekstreme waarde genoem. Dit is 'n datawaarde wat baie groter of baie kleiner as die res van die data is.

Dit is die standaardafwyking gekwadreer. (sien standaardafwyking)

'n 3D voorwerp.

Word ook 'n poligoon genoem. 'n 2D voorwerp met drie of meer reguit sye.

'n Algebraïse uitdrukking met twee of meer terme.

Sien poliëder.

Om die veelvoude van 'n getal te kry, maal ons daardie getal met 1, dan 2, dan 3, ens. Bv. Veelvoude van 5: 5 ; 10 ; 15 ; 20 ; 25 ; . . .

'n Diagram wat die verhouding tussen sub-versamelings binne 'n universiële-versameling verteenwoordig.

'n Letter wat 'n onbekende waarde verteenwoordig. (bv. x en y)

Om 'n uitdrukking in 'n eenvoudiger vorm te skryf. (bv. 7x - 5y - x - 2y =  6x - 7y)

'n Wiskundige stelling wat 'n = teken bevat. Die twee kante is gelyk en dus gebalanseerd.

'n Transformasie waar die grootte, maar nie die vorm nie, van 'n voorwerp verander.

Die antwoord as ons aftrek.

Die versnelling van 'n voorwerp is die tempo van verandering in sy snelheid. Ons gebruik die tweede afgeleide [ f ''(t)] om dit te bereken.

'n Kleiner groep wat die hele populasie verteenwoordig.

Dit is van bo na onder. 'n Vertikale lyn is loodreg op die x-as en ewewydig aan die y-as.

As lyne ewewydig is, dan is verwissellende hoeke ewe groot.
Kyk vir 'n Z of 'n N.

'n 2D voorwerp met vier sye.

'n Vierhoek met 4 gelyke sye en 4 regte hoeke.

Die vierkantswortel van 'n getal maal homself, gee die oorspronklike getal.

'n Syvlak van 'n vaste liggaam.

'n Vierhoek met twee pare gelyke aangrensende sye, maar die vier sye is nie almal ewe lank nie.

'n Getal wat as die produk van twee identiese faktore geskryf kan word.

The hoeveelheid spasie wat 'n 3D voorwerp beslaan.

Die minimum waarde, onderste kwartiel (Q₁), mediaan, boonste kwartiel (Q₃) en maksimum waarde van 'n stel data.

Die waardes van y waarvoor 'n funksie gedefinieerd is of die versameling van al die moontlike y-waardes van 'n funksie.

Sê vir ons wat die kans is dat 'n gebeurtenis sal plaasvind.

'n Manier om baie groot of baie klein getalle te skryf. (bv. 65 000 000 = 6,5 x 10⁷ en 0,000042 = 4,2 x 10^-5)

Dit is 'n reeks waarin elke term die teenoorgestelde teken van die voorafgaande term het.
bv. 1 - 3 + 5 - 4 + 9 . . .

Die prys van een land se geld in terme van 'n ander land se geld. (bv. R/$: 7.34  beteken ons sal R7,34 vir $1 betaal)

Die vierkantswortel van 'n getal wat nie 'n volkome vierkant is nie; die derdemagswortel van 'n getal wat nie 'n volkome derdemag is nie; ens.

Waar die grafiek die x-as sny. Word ook die wortel genoem. Om dit te bepaal stel ons y = 0 of f(x) = 0.

Die horisontale as op die Kartesiese vlak.

Waar die grafiek die y-as sny. Om dit te bepaal stel ons x = 0 of bepaal f(0).

Die vertikale as op die Kartesiese vlak.